月光華華

今年中秋...一樣會有颱風來攪局...

今晚新聞: 五月天演唱會一樣超唱, 一樣被罰錢...

歷史總是在重演...



月光華華 -2009/10/04 00:36 貼於 yahoo 部落格



今晡日(10/3)係八月半中秋節,雖然氣象報導講會有芭瑪&米勒兩隻風搓來鬧局,
毋過,今暗晡介月光又大又圓,月光華華,還係22年來最靚介月光..

聽講月光頂項，有嫦娥、吳剛摎玉兔,不知有影抑無影？
不知這下嫦娥、吳剛摎玉兔佇該做麽介呢？
細介時節,聽老人家講,做毋得用手指月娘,無會分月娘割耳公,到這下亻厓還係毋知係為麽介呢？

不知幾時八月半變做焙肉節,街路項看得到家家屋屋佇該焙肉,大人細子講古笑鬧,
這就是人講介月圓人團圓吧...

亻厓無愛焙肉,亻厓去參加鎮公所舉辦介中秋惜福晚會,
在秋高氣爽、靚靚介月光下,食等不會“椪風”介東方美人茶、
看月光姐摎日頭哥打嘴鼓、
聽Color樂團、符瓊音、小宇、郭靜、蔡旻佑、范瑋琪等歌星唱歌仔...係一種享受...

晚會本來10點就愛結束,因為節目忒精彩,加上有抽獎,故所拖到會11點正結束,

好得這不係在台北,無像五月天演唱會超唱,斯會分人罰錢禁唱...這就係小城---頭份,可愛介所在...

散場的煙火秀 2009/10/3